ޙާމިދު ޢަބްދުލްޣަފޫރު، 6 އޮކްޓޯބަރ 2007، މިނިވަން ނޫސް
ނިމިގެންދިޔަ ސެޕްޓެމްބަރުމަހުގެ މެދުތެރޭ، ނޫސްތަކުން ކުއްލިއަކަށް އިވުނީ، އަހަރުގެ ނިޔަލަށް އެފްއޭއެމް އިންތިޚާބުކުރުމަށް ފީފާއިން އަމުރު ނެރެފި ޚަބަރެވެ. މިހެންވުމަކީ، ހަޤީގަތަކަށް ވެދާނެކަމެއްކަމުގައި، މިސަފްހާތައްމެދުވެރިކޮށް އަޅުގަޑުވެސް ދަންނަވަމުން ގެންގޮސްފައިވާނެއެވެ. އަދި އޯގަސްޓްމަހުގެ ފަހުހަފްތާގައި، އެފްއޭއެމްގެ ޗެއަރމަންކަމުގައި އޭރު ހުންނެވި މުހަންމަދު ކަލީމުއާ ބައްދަލުކޮށް، އެޖަމިއްޔާގެ އިންތިޚާބުގެ ތާރީޚް އަވަހަށް އިޢުލާނުކުރެއްވުމަށް ލަފާ އަރުވާފައިވާނެއެވެ. އޭގެ ކުޑަދުވަސްކޮޅެއްކުރިން، ސްޕޯޓްސް މިނިސްޓަރު ވަޙީދުއްދީނާ ބައްދަލުކޮށްވެސް މިވާހަކަތައްވާނީ ދައްކާފައެވެ.
ކޮންމެއަކަސް، މިހާރު މިއޮތީ އެފްއޭއެމްގެ އިންތިޚާބުގެ ތާރީޚް ކަޑައެޅިފައެވެ. ކުޅިވަރުކައުންސިލުން ކަޑައެޅި "ޓްރާންސިޝަން" ޓީމެއްގެ ބެލުމުގެދަށުން 31 އޮކްޓޯބަރުގެނިޔަލަށް އަސާސީޤަވާއިދު ފާސްކޮށް، 31 ޑިސެމްބަރުގެ ނިޔަލަށް އިންތިޚާބު ބޭއްވުމަށް މަސައްކަތް ފެށިފައެވެ. ވާލްޑް ޓްރޭޑް ސެންޓަރު ގޮއްވާލުމާގުޅިގެން، ދުނިޔެއަށް އައި ބޮޑު ފިކުރީ އިންޤިލާބަކާއެކު ބައިނަލްއަޤުވާމީ މުޖްތަމައުން، އާހިތްވަރަކާއެކު ޑިމޮކްރަސީއަށް ގޮވާލިއެވެ. އިޖްތިމާއީ ހަމަނުޖެހުމާއި، ޓެރަރިޒަމް އުފެދުމުގެ އަސްލަކީ ޚުދުމުޚުތާރުވެރިކަން ކަމުގައި ސާބިތުވުމުންނެވެ. މިއޮއިވަރުގައި ފީފާއާއި އޮލިމްޕިކްކޮމިޓީފަދަ ގްލޯބަލް ކުޅިވަރު އެންޖީއޯތަކުންވެސް އަވަސްވެގަތީ، ޑިމޮކްރަސީޤާއިމްކުރުމަކީ އެޖަމިއްޔާތަކުގެ "ކޯޕަރޭޓް ސޯޝަލް ރެސްޕޯންސިބިލިޓީ" ކަމުގައި އިޢުލާނުކުރުމަށެވެ. އާދެ، 21 ވަނަ ޤަރުނުގައި، އިންސާނީ ތަރައްޤީއަށް މަސައްކަތްކުރާ މިފަދަ ޖަމާއަތްތަކުގެ ހައިސިއްޔަތުލާޒިމްކުރާ އިޖްތިމާއީ ޒިންމާ އުފުލުމަށް އަވަސްވެގަންނަންޖެހުނީއެވެ. ޙުދުމުޙުތާރު ސަރުކާރުތަކުން ގެންގުޅޭ ގޮޑިކޮއްކޮ ކުޅިވަރު އެސޯސިއޭޝަންތައް ޑިމޮކްރަސީގެމަގަށް އެބުރުމަށް ފޯކަސް ބޮޑުވީއެވެ.
މައުމޫނުގެ ސަރުކާރުން ފީފާއާއި އިންޓަރނޭޝަނަލް އޮލިމްޕިކްކޮމިޓީފަދަ ބައިނަލްއަޤުވާމީ ކުޅިވަރުޖަމިއްޔާތަކަށް މިހާތަނަށް ދައްކައިގެން އުޅެފައިވާ މަންޒަރަކީ، ރާއްޖޭގެ ކުޅިވަރުޖަމިއްޔާތަކަކީ ޑިމޮކްރަސީގެ ހަމަތަކުގެމަތިން އިންތިޚާބުކޮށްފައިވާ ޖަމިއްޔާތަކެއްކަމުގައެވެ. އެހެންނަމަވެސް ސަރުކާރުގެ ޚުދުމުޚުތާރުކަންވެސް، ރައްޔިތުންނާއި، ބައިނަލްއަޤުވާމީ މުޖްތަމައަށް ހާމަވަމުން ދާބީދައިން ދިވެހި ކުޅިވަރު ޖަމިއްޔާތަކުގެ ފޮރުވިފައިވާ ހަޤީޤަތް މިއޮއްދަނީ ލަދުވެތިކަމާއެކު ހާމަވަމުންނެވެ. މިހާރު މިކަންކަން ރަގަޅުކުރުމުގެ ޒިންމާ މިއޮތީ ކްލަބްތަކާ، ކުޅުންތެރިންނާއި، އާއްމު ރައްޔިތުންނާހިސާބަށް ތިލަވެފައެވެ. އެހެންނަމަވެސް މިވަގުތުވެސް އިންތިޚާބުކުރަން މަޖުބޫރުވެފައިވާ އެފްއޭއެމްފިޔަވާ ސަރުކާރުން އުފައްދައިގެންއުޅޭ އަނެއް 12 ގޮޑިކޮއްކޮ ކުޅިވަރުޖަމިއްޔާ ގެތެރެއިން އިތުރު އެންމެ ޖަމިއްޔާއެއްވެސް މިކަމާ ފިޔަވަޅެއް އަޅަންއުޅޭކަމުގެ ހެއްކެއް ފެންނާކަށްނެތެވެ. ކުޅިވަރުގެ ދާއިރާގައި، ޑިމޮކްރެޓިކް އިސްލާހަށް އިސްނަގަން އެކަށީގެންވާ، ދިވެހި އޮލިމްޕިކްކޮމިޓީއާ ވޮލީބޯޅަ އެސޯސިއޭޝަންފަދަ ބޮޑެތި ޖަމިއްޔާތައްވެސް އެކުޅިވަރުތަކުގެ ބައިނަލްއަޤުވާމީ ޖަމިއްޔާތަކުން ފަހާ ދުއްވައިގަތުމުގެކުރިން، "ޓްރާންސިޝަން" ޕޮރޮގްރާމް އިއުލާނުކުރުން ބުއްދިވެރިކަމަކަށްވާނެއެވެ.
ކުޅިވަރު އެސޯސިއޭޝަންތައް، ބައިނަލްއަޤވާމީ ޖަމާއަތްތަކުން ކަޑައަޅާ ޑިމޮކްރަސީގެ މިންގަޑުތަކަށް ފެއްތުމުގައި އިސްނަންގަވަންޖެހިވަޑައިގަންނަވާ ފަރާތަކީ ކުޅިވަރު މިނިސްޓަރެވެ. ކުޅިވަރު މިނިސްޓަރު، އޭނާގެ ޤާނޫނީ ވާޖިބު އަދާކުރުމުގައި ފޭލްވެއްޖެނަމަ ދެން، އޭގެ ޒާތުގައި އެހެން އެސޯސިއޭޝަންތަކަށް ޒިންމާވާންޖެހޭނެ އެކަށީގެންވާ ފަރާތްކަމުގައި އަޅުގަޑު ދެކެނީ ދިވެހި އޮލިމްޕިކް ކޮމިޓީއެވެ. އެހެންނަމަވެސް އޮލިމްޕިކް ކޮމިޓީއަކީވެސް، އެކޮމިޓީގެ ރައީސް، ކިއެއްތަ، ދެންތިބި ހުރިހާމެމްބަރުންވެސް ޤާނޫނާޚިލާފަށް "އައްޔަން" ކޮށްފައިވާ ޖަމާއަތެކެވެ. އެފްއޭއެމަށް މިދިމާވިގޮތަކީ، އެހެން ކުޅިވަރު ޖަމިއްޔާތަކަށް ދިމާނުވާނެގޮތެއްކަމުގައި ބަލައިގެންނުވާނެއެވެ.
ދިވެހި ކުޅިވަރުމުޖްތަމައަށް (ކުޅުންތެރިންނާއި، ކްލަބްތަކާ، އެސޯސިއޭޝަންތަކާއި، ސްޕޮންސަރުންނަށް) ކުރިމަތިވެފައި މިހާރުއޮތް އެންމެ ބޮޑު ޗެލެންޖަކީ، ޤައުމުގެ ވެރިކަމުގެ ދާއިރާގައި ހިގަމުންދާ އިސްލާހީ މަސައްކަތާ އެއްހަމައެއްގައި ކުޅިވަރުގެ ދާއިރާގައި ވެސް ޑިމޮކްރަސީއާއި އިންސާފު ޤާއިމްކުރުމުގެ މަސައްކަތް ކުރިއަށް ގެންދިއުމެވެ.
ވެރިކަމުގެ ދާއިރާގައި، މައުމޫނުގެ ސަރުކާރަށް މިއޮތީ، އިސްލާޙްގެނައުމަށް ނުކުޅެދިފައެވެ. ނަތީޖާއެއްގެގޮތުން އާއްމުރައްޔިތުންނާއި، ސިޔާސީ ޕާޓީތަކާ، އަދި ވިޔަފާރިވެރިންވެސް މިއަދު މިއޮތީ ޑިމޮކްރެޓިކް އިސްލާހަށް އަތުކުރިއޮޅާލާ ނިކުމެފައެވެ. ވެރިކަމުގެ ދާއިރާގައި ކުރެވެމުންދާ ބަހުސަކީ، ރާއްޖެއަށް އިސްލާޙު ގެނެވޭނީ މިހާރުތިބި ޚުދުމުޚުތާރުވެރިން އެއްފަރާތްކުރުމަށްފަހު، "ޓްރާންސިޝަނަލް ސަރުކާރެއް" ގެބެލުމުގެދަށުން ކަމުގައެވެ. ކުޅިވަރުގެ ދާއިރާއަށްވެސް މިކަން ކުރަންޖެހިފައި މިއޮތީ މިއުސޫލުންނެވެ.
އެފްއޭއެމް މިހާރު މިއޮތީ އެޖަމިއްޔާގެ އިސްލާޙުކުރެވިފައިވާ އަސާސީ ޤަވާއިދު (ފުޓުބޯޅައިގެ ޤާނޫނުއަސާސީ)، 31 އޮކްޓޯބަރުގެކުރިން ފާސްކޮށް، އެއަސާސީޤަވާއިދުގެ ދަށުން 31 ޑިސެމްބަރުގެ ކުރިން، މެމްބަރު ކްލަބްތަކުގެ މެދުގައި، އިންސާފުވެރި އިންތިޚާބެއް ބާއްވާ، ރައީސްއާއި ހިންގާކޮމިޓީހޮވަންޖެހިފައެވެ. "ޓްރާންސިޝަނަލް" ޓީމު ނުވަތަ ފުޓުބޯޅައިގެ ވަގުތީ ސަރުކާރުގެ ރައީސްކަމުގައި ހަމަޖައްސާފައި މިއޮތީ އޮލިމްޕިކްކޮމިޓީއަށް މައުމޫނު އައްޔަންކުރައްވާފައިވާ އިބްރާހިމްއިސްމާއިލް (މަޝްހޫރު "ބޮޑޭ") އެވެ.
ނިމިގެންދިޔަ ސެޕްޓެމްބަރުމަހުގެ މެދުތެރޭ، ނޫސްތަކުން ކުއްލިއަކަށް އިވުނީ، އަހަރުގެ ނިޔަލަށް އެފްއޭއެމް އިންތިޚާބުކުރުމަށް ފީފާއިން އަމުރު ނެރެފި ޚަބަރެވެ. މިހެންވުމަކީ، ހަޤީގަތަކަށް ވެދާނެކަމެއްކަމުގައި، މިސަފްހާތައްމެދުވެރިކޮށް އަޅުގަޑުވެސް ދަންނަވަމުން ގެންގޮސްފައިވާނެއެވެ. އަދި އޯގަސްޓްމަހުގެ ފަހުހަފްތާގައި، އެފްއޭއެމްގެ ޗެއަރމަންކަމުގައި އޭރު ހުންނެވި މުހަންމަދު ކަލީމުއާ ބައްދަލުކޮށް، އެޖަމިއްޔާގެ އިންތިޚާބުގެ ތާރީޚް އަވަހަށް އިޢުލާނުކުރެއްވުމަށް ލަފާ އަރުވާފައިވާނެއެވެ. އޭގެ ކުޑަދުވަސްކޮޅެއްކުރިން، ސްޕޯޓްސް މިނިސްޓަރު ވަޙީދުއްދީނާ ބައްދަލުކޮށްވެސް މިވާހަކަތައްވާނީ ދައްކާފައެވެ.
ކޮންމެއަކަސް، މިހާރު މިއޮތީ އެފްއޭއެމްގެ އިންތިޚާބުގެ ތާރީޚް ކަޑައެޅިފައެވެ. ކުޅިވަރުކައުންސިލުން ކަޑައެޅި "ޓްރާންސިޝަން" ޓީމެއްގެ ބެލުމުގެދަށުން 31 އޮކްޓޯބަރުގެނިޔަލަށް އަސާސީޤަވާއިދު ފާސްކޮށް، 31 ޑިސެމްބަރުގެ ނިޔަލަށް އިންތިޚާބު ބޭއްވުމަށް މަސައްކަތް ފެށިފައެވެ. ވާލްޑް ޓްރޭޑް ސެންޓަރު ގޮއްވާލުމާގުޅިގެން، ދުނިޔެއަށް އައި ބޮޑު ފިކުރީ އިންޤިލާބަކާއެކު ބައިނަލްއަޤުވާމީ މުޖްތަމައުން، އާހިތްވަރަކާއެކު ޑިމޮކްރަސީއަށް ގޮވާލިއެވެ. އިޖްތިމާއީ ހަމަނުޖެހުމާއި، ޓެރަރިޒަމް އުފެދުމުގެ އަސްލަކީ ޚުދުމުޚުތާރުވެރިކަން ކަމުގައި ސާބިތުވުމުންނެވެ. މިއޮއިވަރުގައި ފީފާއާއި އޮލިމްޕިކްކޮމިޓީފަދަ ގްލޯބަލް ކުޅިވަރު އެންޖީއޯތަކުންވެސް އަވަސްވެގަތީ، ޑިމޮކްރަސީޤާއިމްކުރުމަކީ އެޖަމިއްޔާތަކުގެ "ކޯޕަރޭޓް ސޯޝަލް ރެސްޕޯންސިބިލިޓީ" ކަމުގައި އިޢުލާނުކުރުމަށެވެ. އާދެ، 21 ވަނަ ޤަރުނުގައި، އިންސާނީ ތަރައްޤީއަށް މަސައްކަތްކުރާ މިފަދަ ޖަމާއަތްތަކުގެ ހައިސިއްޔަތުލާޒިމްކުރާ އިޖްތިމާއީ ޒިންމާ އުފުލުމަށް އަވަސްވެގަންނަންޖެހުނީއެވެ. ޙުދުމުޙުތާރު ސަރުކާރުތަކުން ގެންގުޅޭ ގޮޑިކޮއްކޮ ކުޅިވަރު އެސޯސިއޭޝަންތައް ޑިމޮކްރަސީގެމަގަށް އެބުރުމަށް ފޯކަސް ބޮޑުވީއެވެ.
މައުމޫނުގެ ސަރުކާރުން ފީފާއާއި އިންޓަރނޭޝަނަލް އޮލިމްޕިކްކޮމިޓީފަދަ ބައިނަލްއަޤުވާމީ ކުޅިވަރުޖަމިއްޔާތަކަށް މިހާތަނަށް ދައްކައިގެން އުޅެފައިވާ މަންޒަރަކީ، ރާއްޖޭގެ ކުޅިވަރުޖަމިއްޔާތަކަކީ ޑިމޮކްރަސީގެ ހަމަތަކުގެމަތިން އިންތިޚާބުކޮށްފައިވާ ޖަމިއްޔާތަކެއްކަމުގައެވެ. އެހެންނަމަވެސް ސަރުކާރުގެ ޚުދުމުޚުތާރުކަންވެސް، ރައްޔިތުންނާއި، ބައިނަލްއަޤުވާމީ މުޖްތަމައަށް ހާމަވަމުން ދާބީދައިން ދިވެހި ކުޅިވަރު ޖަމިއްޔާތަކުގެ ފޮރުވިފައިވާ ހަޤީޤަތް މިއޮއްދަނީ ލަދުވެތިކަމާއެކު ހާމަވަމުންނެވެ. މިހާރު މިކަންކަން ރަގަޅުކުރުމުގެ ޒިންމާ މިއޮތީ ކްލަބްތަކާ، ކުޅުންތެރިންނާއި، އާއްމު ރައްޔިތުންނާހިސާބަށް ތިލަވެފައެވެ. އެހެންނަމަވެސް މިވަގުތުވެސް އިންތިޚާބުކުރަން މަޖުބޫރުވެފައިވާ އެފްއޭއެމްފިޔަވާ ސަރުކާރުން އުފައްދައިގެންއުޅޭ އަނެއް 12 ގޮޑިކޮއްކޮ ކުޅިވަރުޖަމިއްޔާ ގެތެރެއިން އިތުރު އެންމެ ޖަމިއްޔާއެއްވެސް މިކަމާ ފިޔަވަޅެއް އަޅަންއުޅޭކަމުގެ ހެއްކެއް ފެންނާކަށްނެތެވެ. ކުޅިވަރުގެ ދާއިރާގައި، ޑިމޮކްރެޓިކް އިސްލާހަށް އިސްނަގަން އެކަށީގެންވާ، ދިވެހި އޮލިމްޕިކްކޮމިޓީއާ ވޮލީބޯޅަ އެސޯސިއޭޝަންފަދަ ބޮޑެތި ޖަމިއްޔާތައްވެސް އެކުޅިވަރުތަކުގެ ބައިނަލްއަޤުވާމީ ޖަމިއްޔާތަކުން ފަހާ ދުއްވައިގަތުމުގެކުރިން، "ޓްރާންސިޝަން" ޕޮރޮގްރާމް އިއުލާނުކުރުން ބުއްދިވެރިކަމަކަށްވާނެއެވެ.
ކުޅިވަރު އެސޯސިއޭޝަންތައް، ބައިނަލްއަޤވާމީ ޖަމާއަތްތަކުން ކަޑައަޅާ ޑިމޮކްރަސީގެ މިންގަޑުތަކަށް ފެއްތުމުގައި އިސްނަންގަވަންޖެހިވަޑައިގަންނަވާ ފަރާތަކީ ކުޅިވަރު މިނިސްޓަރެވެ. ކުޅިވަރު މިނިސްޓަރު، އޭނާގެ ޤާނޫނީ ވާޖިބު އަދާކުރުމުގައި ފޭލްވެއްޖެނަމަ ދެން، އޭގެ ޒާތުގައި އެހެން އެސޯސިއޭޝަންތަކަށް ޒިންމާވާންޖެހޭނެ އެކަށީގެންވާ ފަރާތްކަމުގައި އަޅުގަޑު ދެކެނީ ދިވެހި އޮލިމްޕިކް ކޮމިޓީއެވެ. އެހެންނަމަވެސް އޮލިމްޕިކް ކޮމިޓީއަކީވެސް، އެކޮމިޓީގެ ރައީސް، ކިއެއްތަ، ދެންތިބި ހުރިހާމެމްބަރުންވެސް ޤާނޫނާޚިލާފަށް "އައްޔަން" ކޮށްފައިވާ ޖަމާއަތެކެވެ. އެފްއޭއެމަށް މިދިމާވިގޮތަކީ، އެހެން ކުޅިވަރު ޖަމިއްޔާތަކަށް ދިމާނުވާނެގޮތެއްކަމުގައި ބަލައިގެންނުވާނެއެވެ.
ދިވެހި ކުޅިވަރުމުޖްތަމައަށް (ކުޅުންތެރިންނާއި، ކްލަބްތަކާ، އެސޯސިއޭޝަންތަކާއި، ސްޕޮންސަރުންނަށް) ކުރިމަތިވެފައި މިހާރުއޮތް އެންމެ ބޮޑު ޗެލެންޖަކީ، ޤައުމުގެ ވެރިކަމުގެ ދާއިރާގައި ހިގަމުންދާ އިސްލާހީ މަސައްކަތާ އެއްހަމައެއްގައި ކުޅިވަރުގެ ދާއިރާގައި ވެސް ޑިމޮކްރަސީއާއި އިންސާފު ޤާއިމްކުރުމުގެ މަސައްކަތް ކުރިއަށް ގެންދިއުމެވެ.
ވެރިކަމުގެ ދާއިރާގައި، މައުމޫނުގެ ސަރުކާރަށް މިއޮތީ، އިސްލާޙްގެނައުމަށް ނުކުޅެދިފައެވެ. ނަތީޖާއެއްގެގޮތުން އާއްމުރައްޔިތުންނާއި، ސިޔާސީ ޕާޓީތަކާ، އަދި ވިޔަފާރިވެރިންވެސް މިއަދު މިއޮތީ ޑިމޮކްރެޓިކް އިސްލާހަށް އަތުކުރިއޮޅާލާ ނިކުމެފައެވެ. ވެރިކަމުގެ ދާއިރާގައި ކުރެވެމުންދާ ބަހުސަކީ، ރާއްޖެއަށް އިސްލާޙު ގެނެވޭނީ މިހާރުތިބި ޚުދުމުޚުތާރުވެރިން އެއްފަރާތްކުރުމަށްފަހު، "ޓްރާންސިޝަނަލް ސަރުކާރެއް" ގެބެލުމުގެދަށުން ކަމުގައެވެ. ކުޅިވަރުގެ ދާއިރާއަށްވެސް މިކަން ކުރަންޖެހިފައި މިއޮތީ މިއުސޫލުންނެވެ.
އެފްއޭއެމް މިހާރު މިއޮތީ އެޖަމިއްޔާގެ އިސްލާޙުކުރެވިފައިވާ އަސާސީ ޤަވާއިދު (ފުޓުބޯޅައިގެ ޤާނޫނުއަސާސީ)، 31 އޮކްޓޯބަރުގެކުރިން ފާސްކޮށް، އެއަސާސީޤަވާއިދުގެ ދަށުން 31 ޑިސެމްބަރުގެ ކުރިން، މެމްބަރު ކްލަބްތަކުގެ މެދުގައި، އިންސާފުވެރި އިންތިޚާބެއް ބާއްވާ، ރައީސްއާއި ހިންގާކޮމިޓީހޮވަންޖެހިފައެވެ. "ޓްރާންސިޝަނަލް" ޓީމު ނުވަތަ ފުޓުބޯޅައިގެ ވަގުތީ ސަރުކާރުގެ ރައީސްކަމުގައި ހަމަޖައްސާފައި މިއޮތީ އޮލިމްޕިކްކޮމިޓީއަށް މައުމޫނު އައްޔަންކުރައްވާފައިވާ އިބްރާހިމްއިސްމާއިލް (މަޝްހޫރު "ބޮޑޭ") އެވެ.
1 comment:
Welcome to blogging ...
Looking forward to read views on the sports inductry by an experienced person like you ... Look for a better dhivehi font or otherwise i think english ... the font is not very user friendly ...
Post a Comment